Раиола подготвува одмазда за Дортмунд: Што ќе се случи ако одбијат да го продадат Халанд ова лето?

Норвешкиот напаѓач Ерлинг Халанд може да ја напушти Борусија Дортмунд на крајот од оваа сезона, иако челниците на овој клуб не сакаат да го продадат.

Халанд е претставен од Мино Раиола кој минатиот месец водеше разговори со клупските челници кои покажаа интерес за овој напаѓач на Дортмунд. Но, тоа не им се допадна на челниците на Борусија и јасно ставија до знаење дека Норвежанецот не се продава.

Сепак, се чини дека Халанд е решен да го смени клубот на лето, бидејќи верува дека е подготвен да направи нов чекор во кариерата.

Следното лето тој ќе има активна откупна клаузула помеѓу 80 и 100 милиони евра и Дортмунд му рече дека само тогаш може да оди, иако е јасно дека летово можат да заработат многу повеќе пари од неговата продажба.

Но, челниците на германскиот клуб се лути на Раиола, кој без нивно знаење разговараше со Барселона, Реал Мадрид, Манчестер Јунајтед и Ливерпул и поради тоа рекоа дека нема да има ништо од трансферот ова лето.

Сепак, Раиола е познат по тоа што не се предава толку лесно и дека секогаш се одмаздува ако нешто не оди како што планирал.

Германските медиуми денес објавија дека Раиола им рекол на челниците на Дортмунд дека е попаметно да го пуштат Халанд ова лето отколку да чекаат на крајот на следната сезона кога ќе подготви одмазда.

Тој, наводно, го предупредил Дортмунд дека намерно ќе го продаде Халанд на нивниот најголем ривал Баерн следното лето ако не го ослободат на крајот од оваа сезона.

Не би било првпат играч на Дортмунд да замине во Баерн затоа што тоа го направија Роберт Левандовски, Матс Хумелс и Марио Гоце претходните години, што навивачите на овој клуб воопшто не им се допаднаа.

Халанд е напаѓач кој воодушеви со своите игри и јасно е зошто Дортмунд не сака да го пушти толку лесно. Но, познавајќи го Раиола, подобро е да не му замеруваат затоа што ретко на крајот овој менаџер да бил „понизок“.

Овој 20-годишен напаѓач оваа сезона одигра 38 натпревари во сите натпреварувања во дресот на Дортмунд, постигнувајќи дури 37 погодоци и додавајќи 11 асистенции.