Рамос пред да замине на поранешните соиграчи им го откри новиот клуб?

Серхио Рамос по 16 години се прости од Реал Мадрид.

Рамос пристигна во Кралскиот клуб летото 2005 година од Севилја и се покажа како големо засилување. Претходните 16 години тој беше стандарден член на Реал Мадрид и се очекуваше да ја заврши кариерата во овој клуб.

Сепак, пред неколку дена Рамос одржа прес-конференција на која се прости од Реал Мадрид и потврди дека ќе го напушти „Сантијаго Бернабеу“ по 16 години.

35-годишниот фудбалер сигурно ќе најде нов ангажман без никакви проблеми, бидејќи веќе доби неколку понуди за продолжување на кариерата, а се поврзува со голем број клубови.

Еден од нив е ПСЖ.

Француските медиуми тврдат дека Рамос го открил новиот клуб на некои свои соиграчи кога заминал.

Тие тврдат дека преговорите започнале и дека лесно може да се случи Рамос да го гледаме во Лига 1 од следната сезона.

Серхио Рамос минатата сезона одигра 21 натпревар во сите натпреварувања. На нив постигна четири гола и забележа една асистенција.

Да потсетиме, Рамос не беше поканет од селекторот на Шпанија, Луис Енрике, за Европското првенство, па ќе добие можност за дополнителен одмор, но и доволно време да најде нова средина.