Рашфорд испрати јасна порака: Сакам да останам во Барселона

Иднината на Маркус Рашфорд во Барселона и понатаму е предмет на бројни шпекулации, но самиот фудбалер испрати позитивни сигнали кон каталонскиот клуб. Додека раководството сè уште размислува дали да ја активира опцијата за негов откуп, англискиот напаѓач очигледно ја има поддршката од тренерот Ханси Флик.

Флик е уверен во квалитетите на Рашфорд и неговото влијание врз тимот во текот на сезоната. Англискиот репрезентативец стана важен дел од офанзивната ротација на „блауграна“, а неговите бројки го потврдуваат тоа:

– 13 голови во Ла Лига и Лигата на шампионите
– 10 асистенции во двете натпреварувања

Овие статистички показатели јасно покажуваат зошто германскиот стратег сака да го задржи во составот и во иднина.

По поразот на Барселона од Валенсија во последното коло од првенството, Рашфорд објави порака на социјалните мрежи која веднаш предизвика внимание и беше протолкувана како најава за неговите планови.

„Секогаш е задоволство. Сезона 2025/26 – сакаме уште повеќе“, напиша англискиот напаѓач.

Објавата многумина ја сфатија како јасна желба на Рашфорд да ја продолжи кариерата на „Камп Ноу“, додека разговорите за неговата иднина сè уште траат.

Сепак, и покрај желбата на играчот и поддршката од стручниот штаб, конечната одлука ќе ја донесе раководството на Барселона, кое треба да одлучи дали клубот ќе инвестира во негов постојан трансфер.