Рашфорд: Повеќе сакам да играм лево отколку во средина

Напаѓачот на Англија, Маркус Рашфорд признава дека играњето лево е посоодветно за него.

Рашфорд е разноврсен, може да игра и од двете страни и во средината, што најмногу го прави во Манчестер Јунајтед, но признава дека претпочита да биде по линија.

“Кога сте на левата страна, можете да направите многу повеќе работи самостојно, давајќи му на тимот поголема корист. Ако играте на работ на нападот, понекогаш сте изолирани од останатите и ви треба некој во средина, кој може да го најде вистинскиот пас. Кога сте во средина на нападот, постои ризик дека ќе испаднете од игра “, рече Рашфорд, додавајќи:

“Кога се преселив на позицијата девет, тогаш имав слични проблеми, затоа што секогаш сакате да ја достигнете топката. Не ја гледам топката толку често како на другите позиции, но затоа имам можност да постигнам повеќе голови”.