Реал договори трансфер за 70 милиони евра
Ендрик ќе игра за Палмеирас додека да наполни 18 години, а потоа кариерата ќе ја продолжи во Реал.
Челниците на Реал го договориле трансферот на младиот фудбалер од Палмеирас Ендрик, тврди познатиот италијански спортски новинар Фабрицио Романо. Тој истакнува дека Реал го комплетирал трансферот на младиот бразилски фудбалер кој ќе биде официјализиран дури во 2024 година. Ендрик е роден на 21 јули 2006 година.
Real Madrid are closing in on Endrick deal. Negotiations are progressing to final stages on personal terms too. 🚨⚪️🇧🇷 #RealMadrid
Talks are very advanced with Palmeiras on €60m fee plus taxes. Been told full package will be €72m.
Real want to seal & sign the deal very soon. pic.twitter.com/kIpPptR6ec
— Fabrizio Romano (@FabrizioRomano) December 6, 2022
„Договорени се деталите од договорот, а планот е наскоро да биде комплетиран целиот трансфер. Реал ќе плати повеќе од 70 милиони евра, остануваат само некои детали“, најави Романо.
За него се интересираше и Пари Сен Жермен, шампионот на Франција понуди 58 милиони евра, а челниците на Палмеирас решија да го продадат младиот фудбалер на Реал. Ендрик одигра седум натпревари за првиот тим на Палмеирас и постигна три гола.
Поранешниот бразилски репрезентативец Роналдо побара од селекторот на оваа земја Тите да го однесе Ендрик на Светското првенство во Катар.
