Реал Мадрид машки го исмеа Манчестер Сити и изборот на Франс Фудбал!

Синоќа во Париз се одржа церемонијата на доделување на Златната топка.

Очекувано, оваа престижна награда му припадна на напаѓачот на Реал Мадрид, Карим Бензема. Кралскиот клуб покрај него имаше уште тројца играчи во топ 10, и тоа Тибо Куртоа, Лука Модриќ и Винисиус Јуниор.

Беа доделени и бројни други награди. Гави ја доби наградата „Копа“ за најдобар млад играч, потоа Мане ја доби наградата Сократис, трофејот Герд Мулер му припадна на Левандовски, наградата Лав Јашин му припадна на Куртоа, а Алексија Путелас ја освои Златната топка во женска конкуренција.

Една од наградите беше доделена за најдобриот клуб во претходната сезона, а на изненадување на многумина наградата ја доби Манчестер Сити.

Реал Мадрид, кој ги освои шпанската лига и Суперкупот, како и Лигата на шампионите, беше само трет. Предност пред нив на второто место беше Ливерпул со трофеите од англискиот ФА и Лига купот.

Тоа очигледно не им се допадна на администраторите на Твитер профилот на Реал Мадрид, па решија на суров начин да се исмеваат со овој избор.

Имено, тие објавија фотографија од играч на Реал Мадрид кој слави победа од 3:1 против Манчестер Сити, која на кралевите им го донесе финалето во Лигата на шампионите.

Твитот е избришан, но тешко дека нешто може да остане незабележано на Интернет. Некој веднаш направи скриншот и можете да видите што објавиле.

Инаку, уште една награда му припадна на Реал Мадрид. Тибо Куртоа е избран за најдобар голман во сезоната и ја доби наградата Лав Јашин.