Реал Мадрид сака да го обнови договорот на Бензема

Реал Мадрид ја разгледува можноста да понуди нов договор на францускиот напаѓач Карим Бензема бидејќи неговиот тековен договор истекува во 2021 година.

Управителите на „Лос Бланкос“ сакаат да му понудат на Карим Бензема нов, договор валиден до 2023 година, и да ја подигнат неговата плата за да одговара на поголема улога што тој сега ја презеде во составот, пренесува Марка.

Бензема во моментов во Реал Мадрид е платен помалку од Герет Бејл и Серхио Рамос, иако Французинот е еден од најдобрите изведувачи на мадридскиот тим низ текот на годините.

Двете страни – претставници на Бензема и Реал Мадрид – веќе започнаа преговори, но сè уште не е постигнат договор.

Бензема, пак, не сака да побрза да потпише нов договор со Реал Мадрид, бидејќи сака да се осигура дека ќе го има истиот статус во следните сезони, бидејќи наскоро ќе го прослави својот 32 роденден.

Неговиот сон е да продолжи да биде дел од „Лос Бланкос“, но тој сака да може да ги исполни очекувањата на тимот, како во однос на квалитетот на играта, така и од физичката форма.

Претседателот на клубот, Флорентино Перез, секогаш бил обожавател на талентот на Бензема, поддржувајќи го Французинот дури и во најтешките моменти од неговата кариера.

Фудбалерот пристигна во Шпанија на 21-годишна возраст и сега, една деценија подоцна, тој сè уште изгледа во форма.

Многу клубови од Премиер лигата, вклучувајќи го и ПСЖ од Франција, може да бидат заинтересирани за Бензема, доколку тој не потпише нов договор со Реал Мадрид.