Роналдо не е првиот што постигна хет-трик во Премиер лигата, Ла Лига и Серија А.

Рекордите што Кристијано Роналдо ги дели со некои други играчи се ретки.

Со три гола против Каљари, Кристијано Роналдо успеа да го постигне својот прв хет трик во Серија А од преселбата во Јувентус во летото 2018 година.

Португалецот по трипати на еден натпревар ја пресеше мрежата во Премиер лигата како фудбалер на Манчестер Јунајтед и во Ла Лига каде играше за Реал Мадрид.

Интересно е што Роналдо не е првиот фудбалер кој успеал на овој подвиг. Алексис Санчез тоа го направи порано.

Чилеанецот постигна хет-трик во Серија А додека беше член на Удинезе, во Ла Лига додека го носеше дресот на Барселона, а во Премиер лигата како напаѓач на Арсенал во победата од 5:2 над Лестер Сити во 2015 година.

Патем, Санчез летово се врати во Апенините, потпишувајќи за Интер.