Connect with us

Фудбал

Роналдо се огласи на Твитер откако Солскјер беше отпуштен

Манчестер Јунајтед пред неколку дена соопшти дека Оле Гунар Солскјер повеќе не е тренер на овој клуб.

„Црвените ѓаволи“ имаа очајна серија на резултати во последните недели, а падот што ја прели чашата се случи во саботата откако Јунајтед беше поразен на гостувањето кај Вотфорд со 4-1.

Солскјер по новиот пораз ја загуби довербата на клупските челници кои набрзо по натпреварот го известија дека добил отказ и дека повеќе не е тренер на „црвените ѓаволи“.

Норвешкиот стручњак веднаш по натпреварот се прости од играчите бидејќи веќе беше свесен дека ќе добие отказ, а челниците на клубот сигурно нема да толерираат нова грешка.

Речиси сите играчи на Манчестер Јунајтед се простија од Солскјер преку социјалните мрежи, а утрово се огласи и Кристијано Роналдо.

„Тој беше мој напаѓач првиот пат кога дојдов на „Олд Трафорд“ и ми беше тренер кога се вратив во Манчестер Јунајтед. Но, пред се Оле е одлично човечко суштество. Му посакувам се најдобро во она што му го носи животот во иднина. Среќно пријателе, го заслужуваш тоа“, рече Роналдо.

Реклама

Facebook

Реклама