Се сеќавате ли на „старецот“ од Лацио? Го промени својот изглед и на 26 години си најде нов клуб
Џозеф Минала се најде во центарот на вниманието во 2014 година поради неговиот изглед. И тогаш се однесуваше како постар човек, а во Лацио пристигна како талентиран 17-годишник.
Се зборуваше дека Минала имала дури 41 година, што е малку неверојатно, но со оглед на неговиот тогашен изглед, тоа секако не е невозможно.
Лацио потоа мораше да докаже дека Минала има 17 години бидејќи му се заканувале судски постапки. Се покажа дека неговите години не се лага, па остана во Лацио, но не остави сериозна трага и мораше да замине на позајмица додека не замине во Кина.
Минатата сезона настапуваше за италијанскиот третолигаш Лукезе каде на 20 настапи постигна три гола и забележа асистенција.
Во меѓувреме, 26-годишникот целосно го промени својот имиџ и многумина не можеа да го препознаат.
Имено, Минала ја пушти косата, ја исплете во африкански стил и сега е дефинитивно непрепознатлив за повеќето.
Минала ова лето најде нов клуб. Тој потпиша за ривалите на Лукезе во Серија Ц Олбија Калчо.
„Камерунскиот играч за врска, роден во Јаунде на 24 август 1996 година, потпиша договор со Олбија кој е со важност до 30 јуни 2023 година“, објави италијанскиот нисколигаш.
Своевремено, Минала рече дека информациите за неговата возраст ја попречиле неговата кариера.
Бев многу млад и не можев да знам или да предвидам каков одговор ќе има ова. Убеден сум дека разговорите за возраста отсекогаш ја попречувале мојата кариера“.
Минала изјави и дека тогашниот тренер на Лацио Симоне Инзаги никогаш не му дал доволно можности.
Бев малку разочаран, видов дека шанса добија играчи од пониско ниво и ме испратија на позајмица.
Тој истакна и дека имало екипи кои го следеле и сакале да го донесат, но тоа не успеало поради споменатиот скандал околу неговата возраст.
