Шкендија со “петарда” за противникот во Конференциската лига

Македонскиот вицешампион Шкендија ја оправда фаворитската улога на гостувањето против Европа во Гибралтар и со убедлив триумф вечерва од 5-0 (1-0) речиси сигурно го обезбеди пласманот во второто квалификациско коло во Конференциската лига.

Ндезенге во 28. минута го отвори резултатот, а во продолжението Тамба влезе од клупата за резерви и со два гола во 52. и во 75. минута ги разреши сите дилеми околу победникот.

До крајот на натпреварот, новото засилување Криезиу во 83. и Ибраими во 88. минута ставија печат на победата на Шкендија.

Реваншот против противникот од Гибралтар во рамки на првото квалификациско коло во Конференциската лига е закажан за 16 јули на Националната арена „Тодор Проески“ во Скопје со почеток во 20 часот.