Шпанската федерација ја осудува Барса за трансферот на Гризман

Шпанската фудбалска федерација ја казни Барселона 300 евра за преговори со Антоан Гризман, додека играчот сè уште беше под договор со Атлетико Мадрид.

Федерацијата реши да ја донесе оваа симболична одлука со образложение дека каталонскиот клуб не исполнува некои критериуми за трансфер, но не успеа да докаже дека Барса и Гриезман го потпишале договорот во март, како што тврди Атлетико Мадрид.

Додека првично се бараше казната за Каталонците да биде со затворање на „Камп Ноу“, за некои натпревари без навивачи, тоа беше одбиено.

Атлетико Мадрид во меѓувреме очекува решение од ФИФА, тврдејќи дека Барселона должи 80 милиони евра, бидејќи во март кога започнаа преговорите меѓу Барселона и Гриезман беше поставена клаузула од 200 милиони евра, додека Барса плати 120 милиони, потпишувајќи јавно договор на 31 јули.

Договорот откри дека францускиот напаѓач имал корист од 14 милиони евра, спроведувајќи ги сам преговорите, а не со присуство на неговиот агент.