Шпанските медиуми тврдат: Познат планот за завршеток на Лигата на шампионите и Лига Европа!

УЕФА и Европската клупска асоцијација сакаат да направат план за финалето на Лигата на шампионите и Европската лига на секој можен начин.

Решението, барем според шпанските медиуми, дојде на двонеделен турнир.

Во тој случај, следната сезона би можела да започне во септември, но приоритет е да се завршат тековните сезони на националните првенства и европските натпреварувања.

Планот е дека четвртфиналето, полуфиналето и финалето од Лигата на шампионите и Лига Европа ќе се играат во август во рок од две недели.

Ќе се игра на еден победнички натпревар, не два како што е вообичаено, а натпреварите би се играле пред празни трибини.

Приоритет е да се заврши првенството, но да се зачува здравјето на сите учесници, а се претпоставува дека следната сезона ќе започне кога е закажана.