Смртта на кралицата исто така одложува три натпревари следниот викенд, вклучувајќи го и големото дерби

Денеска и утре на распоредот требаше да биде 7. коло на Премиер лигата, но тие беа одложени по смртта на кралицата Елизабета Втора.

Многу се зборува за тоа дека следното коло исто така би можело да биде одложено, а Премиер лигата да се врати дури по репрезентативната пауза.

Секако, ништо од тоа сè уште не е официјално, но се појавија информации дека може да се одложат три натпревари дури и ако се игра редовно осмото коло.

Имено, станува збор за натпреварите меѓу Тотенхем и Лестер, Брентфорд и Арсенал и дерби натпреварот помеѓу Челзи и Ливерпул.

Сите три натпревари се играат во лондонската област и треба да се играат следната сабота, но прашање е дали ќе биде така.

Причината е што погребот на кралицата е закажан за следниот викенд, се разбира во главниот град на Велика Британија.

Натпреварите можеа многу лесно да се поместат, но проблем е многу згуснатиот распоред поради Мундијалот.

Кога се во прашање натпреварите од Лигата на шампионите и Европската лига во кои се натпреваруваат екипи од Англија, тие ќе се играат без никакво задоцнување.