Тренингот на Манчестер Јунајтед прекинат поради тепачка, соиграчите останаа шокирани од глетката

Британските медиуми објавија дека еден од последните тренинзи на Манчестер Јунајтед бил прекинат поради физичка пресметка меѓу двајца соиграчи.

Птиците на гранката знаат дека ситуацијата во Манчестер одамна не е најпријатна. Уште од заминувањето на големиот Сер Алекс Фергусон на „Олд Трафорд“ безуспешно се обидуваат да ја најдат вистинската личност која ќе го врати клубот на патеките на старата слава.

И покрај скапите засилувања и врвните тренерски имиња, резултати од сезона во сезона недостасуваат, а тие отидоа чекор понатаму бидејќи клубот не успеа да обезбеди пласман во Лигата на шампионите. Затоа не е невообичаено што играчите на овој тим се нервозни, а тоа ескалирало со конфликт на еден од тренинзите.

Англиските медиуми јавуваат дека во Јунајтед настанала искра помеѓу двајца неименувани „староседелци“, физичката пресметка била прекината само со интервенција на соиграчите кои биле шокирани од она што го виделе.

Иако слични инциденти на тренинзите (особено во тимови каде што работите не одат според планот) се случуваат, овојпат тепачката беше дури толку специфична што менаџерот Ралф Рангник веднаш ги прекина сите активности.

Не се знае кои биле актери на инцидентот, но во секој случај работите во клубот не се баш најдобро и новиот тренер Ерик тен Хаг ќе има навистина полни раце работа да стави се во ред.