Тричковски: Атмосферата во националниот тим е одлична

Македонските репрезентативци на 13. јуни во Букурешт со почеток од 18:00 часот го игра првиот натпревар против од европските натпреварувања, против селекцијата на Австрија

На денешниот брифинг со новинарите, Иван Тричковски сподели очекувањата пред самиот почеток на првенството.

„Одиграв одлична сезона во Кипар, постигнав многу важни голови. Тоа претставува дополнителен мотив за претстојното Европско првенство. Настап на едно вакво големо натпреварување е остварување на сонот на цела нација. Треба да продолжиме таму каде што застанавме. Ќе го дадеме максимумот на секој натпревар и ќе се бориме до крај за дресот со државен грб. Селекторот секогаш го има последниот збор, тој одлучува кои 11 фудбалери ќе го започнат натпреварот. Атмосферата во националниот тим е одлична. Сите со нетрпение очекуваме да започне првенството“, изјави Тричковски.

Македонија покрај Австрија во групата се наоѓа со Украина и Холандија.