„Турскиот Меси“ има нов клуб: Дали конечно може да блесне?
Последниот ден од крајниот рок не донесе сензационални трансфери, но не може да се каже дека немаше интересни.
Еден потврден доцна синоќа е оној на „турскиот Меси“ Емре Мор.
Во 2017 година, Емре Мор стана најскапото засилување на Селта до денес (14 милиони евра), но после тоа – ништо.
Никогаш големиот талент не се прилагоди на шпанскиот фудбал, а по две години без значителен учинок во составот, Селта Виго го испрати Мор на позајмица во Галатасарај.
Неговата позајмица во турскиот великан заврши оваа зима, тој исто така не блесна во дресот на Галатасарај, 17 настапи без гол или асистенција, а Селта веднаш го испрати на нова позајмица.
Поточно, Олимпијакос синоќа го потврди доаѓањето на 22-годишниот турски фудбалер, на позајмица за остатокот од сезоната.
Μέλος της οικογένειας του Ολυμπιακού ο Εμρέ Μορ! / @Emremor29 is now a member of the Olympiacos family! 🔴⚪💪🏻#Olympiacos #Welcome #EmreMor #WelcomeEmre pic.twitter.com/REileocg69
— Olympiacos FC (@olympiacosfc) January 31, 2020
Грчкиот клуб издвои нешто повеќе од 400.000 евра за позајмицата, а сега останува да се види дали Мор во дресот на Олимпијакос конечно може да докаже дека вреди и може да направи одлична кариера.
Доколку Мор исполнува одредени барања, ќе се активира обврската за купување на неговиот договор.
Емре Мор ја започна својата кариера во родната Данска каде настапуваше за Нордселанд, а во 2016 година се пресели во Борусија Дортмунд за близу 10 милиони евра. Во овој период, тој беше преименуван во „Турскиот Меси“.
Тој последен пат играше за турската репрезентација во октомври 2017 година.
