Уште една лоша вест за навивачите на Манчестер Јунајтед

Нови лоши вести доаѓаат за навивачите на Манчестер Јунајтед.

Откако некои играчи од првиот тим и персоналот на Манчестер Јунајтед беа намалени поради коронавирусот, поради што беше откажан вечерашниот натпревар од 17. коло на Премиер лигата против Брентфорд, британски „Тајмс“ ја пренесе веста дека Кавани сака да си замине од клуб.

Уругвајскиот напаѓач има договор со „црвените ѓаволи“ до крајот на сезоната, кој нема намера да го продолжи.

Истиот извор наведува дека играчот има долгогодишна желба да игра за Барселона, што би можело да го донесе бесплатно на лето, што би било многу добар потег за нив, со оглед на тоа што се во голема финансиска криза.

Да потсетиме, Кавани пристигна во Манчестер Јунајтед од ПСЖ во 2020 година, а претходно играше за Наполи, Палермо и уругвајски Данубио, каде ја започна својата кариера.

Сезонава Уругваецот е повеќе повреден отколку здрав, па одигра само осум натпревари на кои постигна еден гол.