Валверде одлучи: Покрај Меси, уште играч по никоја цена не смее да го напушти „Камп Ноу“
Ернесто Валверде минатиот четврток беше на состанок со лидерите на Барселона за да разговара за плановите за следната сезона.
Барселона успеа да ја освои шампионската титула во Ла Лиги, но претрпе два шокантни порази, од Ливерпул во Лигата на шампионите и Валенсија во финалето на Копа дел Реј.
Валверде разговараше со менаџментот на каталонскиот тим за неговиот тим и за играчите што ги планира за следната сезона, а оваа недела треба да следи нов состанок каде тренерот на Барселона треба да ја даде конечната листа на играчи што не ги планира.
Тренерот на каталонскиот тим посебно издвои еден играч, за кој не сака да го напушти „Камп Ноу“ по никоја цена, а тоа е Иван Ракитиќ.
Оваа сезона, Хрватот беше петтиот играч кого Валверде го користеше нај повеќе, тој играше вкупно 54 натпревари во сите натпреварувања, или 4237 минути, што е повеќе од Лионел Меси и Луис Суарез.
Ракитиќ, кој го чека новиот договор, веќе изјави дека не сака да го напушти „Камп Ноу“ и му рече на својот агент да не прифаќа било какви понуди.
Затоа, Ракитиќ може да биде сигурен дека ќе го има своето место во тимот за следната сезона, што не може да се каже за Кутињо и Умтити, кои би можеле да го напуштат каталонскиот тим ако добијат прифатлива понуда за нив.
Тој, исто така, Валверде на следниот состанок ќе побара да му дадат засилување во одбраната, пишуваат шпанските медиуми.
Valverde will meet with the sporting directors this week to discuss the upcoming season, and also lay down that Rakitic is indispensable to him. He also wants a central defender. [cat radio] pic.twitter.com/lvep9b00Gf
— barcacentre (@barcacentre) June 11, 2019
