Започнаа преговорите: Видал наскоро во нов клуб?

Чилеанскиот фудбалер Артуро Видал очигледно ја напушта Барселона ова лето.

Одамна се шпекулира дека тој ќе ја напушти Барса, но самиот Видал сакаше да се обиде да добие место во почетниот состав пред да го крене сидро.

Сепак, со оглед дека тој не успеа и дека само повремено добива позиција во првата постава, се верува дека тој ќе одлучи да замине, а Италија треба да биде следната дестинација.

Чилеанскиот дефанзивен играч од средниот ред веќе долго време се поврзува со Интер, а се чини дека сега се појави шанса да се реализира тој трансфер.

Пред неколку дена, Италијанците напишаа дека Нероаѕуите го обновиле интересот за Видал пред летниот рок, а денес каталонскиот „Спорт“ пренесува дека се започнати преговори меѓу Барса и Интер.

Се верува дека каталонскиот тим ќе биде задоволен од обештетувањето од 15 до 20 милиони евра за нивниот играч и дека Интер соодветно ќе го исплати.

Што се однесува до самиот Видал, тој веќе играше во Серија А за тимот на Јувентус.