Зидан по киксот на Реал: Резултатот е лош, но среќен сум со една работа

Фудбалерите на Реал Мадрид одиграа 2:2 против Клуб Бриж во 2. коло од Лигата на шампионите.

Кралскиот клуб многу лесно можеше да биде поразен, но сепак освои бод пблагодарение на подобрата игра во второто полувреме.

Се чекаше што ќе рече Зинедин Зидан по натпреварот, а се очекуваше Французинот да биде разочаран од резултатот, но беше задоволен од начинот на кој реагираше неговиот тим во второто полувреме.

„Резултатот е лош, но реакцијата е добра. Не можеме да бидеме среќни со првото полувреме. Тие 45 минути игравме како никогаш досега. Задоволен сум од реакцијата“, започна Зидан.

„Голот што го примивме е смешен бидејќи почнавме лошо. Не бевме фокусирани на тоа што може да ни направи противникот. На крајот, сакам да се сетам на второто полувреме. Не можеме да бидеме среќни, но мора да размислуваме позитивно“.

„На полувреме, им реков дека имаме 45 минути да се смениме. Влегуваме со повеќе став. Во сабота имаме натпревар во лигата и ќе видиме што се случува во Лигата на шампионите. Ние сме во малку лоша ситуација …“

„Противникот може да ве натера да се најдете во неволја, но проблемот е во тоа што кога постигнуваат гол, тие растат и тоа е тоа. Исто како и секогаш, во фудбалот треба да бидеме фокусирани од првата минута. Во второто полувреме, сè се смени. Игравме со повеќе срце и посветеност “.

„Двата гола што ги примивме се смешни, но ете се случи. Не е дека ние не сакаме, ние сакаме. Знаевме дека требаше да постигниме три бода, но во првото полувреме не беше можно. Во второто, сè се смени.“

„Не сум загрижен за головите, но знаеме дека мора да ги постигнеме. Во првите 10 минути, првиот гол би можел да биде постигнат. Тоа е она што секогаш треба да го правиме на нашиот терен, влегуваме во натпреварот од почеток“, заврши Зидан.