Зидан: За Атлетико или Барса спремам ново изненадување

Тренерот на Реал Мадрид, Зинедин Зидан изведе многу чудна формација во вчерашниот полуфинален натпревар на шпанскиот Суперкуп.

Французинот се определи за формација од пет играчи во средина и без крила. Истурен напаѓач беше Лука Јовќ. Тоа функционираше, бидејќи Реал ја совлада Валенсија со 3:1 и се пласираше во финалето.

Пред финалето Зидан најавува дека подготви ново изненадување без разлика кој ќе биде ривалот – Атлетико Мадрид или Барселона.

„Можев да играм со пет крила, но се решив на оваа тактика во која Лука Модриќ и Иско играа клучни улоги како играчи зад напаѓачот. Во овој тим е важно тие да извршат притисок врз противникот и да играат со соиграчите. Така ние на два начина сакавме да му наштетиме на противникот и го сторивме тоа. За следниот натпревар против Барселона или Атлетико подготвуваме ново изненадување“, рече Фрашнузинот.

Инаку, вториот полуфинален натпревар помеѓу Атлетико и Барселона ќе се одигра вечерва од 20 часот на стадионот „Кинг Абдула Сити Спорт“ во Џеда.