Ѕвездите на Баерн се изморија од Роберт, што им порачаа на раководството на клубот?

Приказната за трансферот на Роберт Левандовски од Баерн во Барселона продолжува, покрај тоа што ситуацијата изгледа прилично комплицирана.

Полскиот напаѓач не сака да продолжи во Баерн и е желен да потпише со Барселона. Тоа е идеја што ги насмевнува Каталонците, само Баварците не сакаат да изгубат една од своите најголеми ѕвезди, особено не за ситни пари.

Роберт Левандовски во неколку наврати изјави дека неговото патување во Баерн Минхен е завршено и им порача на Баварците да не го тераат да остане само затоа што има потпишан договор кој е со важност до 30 јуни 2023 година.

Изјавите на Левандовски предизвикаа збрка во соблекувалната на Бундеслигата. Според The ​​Athletic, неколку баварски ѕвезди изразиле незадоволство поради тоа што Левандовски го предизвикал целиот скандал и се на мислење дека ваквите изјави на Полјакот му штетат на тимот.

Сметаат дека што поскоро треба да се реши ситуацијата на Роберт Левандовски за да се избегнат поголеми последици и јасно му порачаа на раководството на клубот.

Да потсетиме, Оливер Кан повтори дека Левандовски не може да си замине додека има договор и му порача на Полјакот дека се очекува негова средба со тимот.

„Што се однесува до Роберт Левандовски, не е многу променето, тој има договор кој е со важност до 2023 година и сакаме да биде со нас на првиот ден од тренинзите.

Роберт ги гледа понудите кои ги има од Барселона и другите тимови, но мора да потсетиме дека има договор со Баерн, што е многу важно. Не сме загрижени“, изјави Оливер Кан, пренесува Мундо Депортиво.