Connect with us

Фудбал

Барселона се огласи за повредата на Левандовски, ги пропушта Реал, Интер, но и други мечеви!

Каталонскиот клуб се огласи по повод повредата на Левандовски на мечот со Селта Виго. Повредата на мусколот е од таков степен што ќе мора да одмора и до три недели. Тоа според распоредот на Барса, значи дека популарниот Лева нема да настапи на дуелот со Мајорка на 22-ри април, потоа финалето од Купот на Кралот против Реал Мадрид на 26-ти, против Интер во полуфиналето во ЛШ на 30-ти април, Валјадолид на 3-ти мај, Интер на 6-ти, но и „Ел Класико“ со Реал на 11-ти мај. Левандовски евентуално би бил подготвен за мечот со Еспањол на 14-ти мај. Секако, дека лекарскиот тим на Барса можеби ќе се обиде нешто порано да го оспособи, но сигналите од Каталонија се дека нема да ризикуваат и да брзаат.