Бенфика-Барса, ова е најглупавиот гол во историјата на Лигата на шампионите! (ВИДЕО)

Фудбалерите на Барселона направија неверојатен кам-бек против Бенфика во Лисабон во седмото коло од Лигата на шампионите. Иако по половина час губеше со 3:1, а во 68. минута со 4:2, Барса успеа да го сврти резултатот и да победи со 5:4! Јунак на чудесниот триумф беше Рафиња, кој ги врати Каталонците во игра во 64. минута и намали на 2:3, за да постигне гол во шестата минута од судиското надополнување за победа од 5:4 и еден од најголемите пресврт во историјата на Лигата на шампионите.

Овој натпревар од Лигата на шампионите полн со пресврти е главна тема на денот во фудбалскиот свет. Шпански „Ас“ издвои две секвенци, и двете се поврзани со головите на Рафиња. За првото пишуваат:

– Ова е веројатно најглупавиот гол во историјата на Лигата на шампионите – наведува АС и додава: – Нешто не беше во ред со голманите на „Луж“. Неверојатно е што обидот на голманот на Бенфика, Анатолиј Трубин да ја расчисти ситуацијата пред својот гол со полувисока топка, секунда подоцна заврши во сопствената мрежа.

Ако не гледавте, Трубин ја шутна топката до Рафиња, кој ја одврати во голот. Беше толку неочекувано што ниту една камера не „фати“ се што му претходеше на голот.