Готово е! Халанд потпиша рекорден договор, вакво нешто не се случило досега!

Фудбалската јавност во Англија утрово доби голема вест. Ерлинг Халанд го продолжи договорот со Манчестер Сити, потпишувајќи договор на неверојатни девет и пол години.

🚨🔵 Erling Haaland has signed new deal at Manchester City valid until June 2034!

The agreement is valid for 9.5 years, as revealed by @David_Ornstein — with record salary for City 🇳🇴🤝🏻

ℹ️ There will be release clause valid from 2029 but only available at very high numbers. pic.twitter.com/yHOZrKymfm

— Fabrizio Romano (@FabrizioRomano) January 17, 2025

Халанд му вети лојалност на Манчестер Сити „доживотно“. Брилијантниот норвешки напаѓач (24) со години е еден од најдобрите во светот, но неговиот актуелен договор со Граѓаните истекува во 2027 година. Ова беше повик за будење за челниците на Манчестер Сити да направат се за да го врзат на „Етихад“ стадионот, а поткрепено е и со фактот дека тој потпиша рекорден договор, како по времетраење, така и по плата. Сите клучни англиски медиуми потврдија дека Халанд потпишал нов договор, вклучувајќи го и најценетиот тамошен новинар Дејвид Орнштајн.

Халанд потпиша договор на девет и пол години, а она што е интересно е што треба да заработи рекордна плата досега невидена во англискиот фудбал. Иако тоа не е потврдено, англиските медиуми откриваат дека тој неделно ќе заработува 500.000 фунти или 590.000 евра, бројка досега невидена во Премиер лигата. Од деталите кои се официјално познати, вреди да се напомене дека Халанд ќе има клаузула во договорот, но таа ќе биде активна дури од 2029 година за сите клубови кои сакаат да го купат. Бројката ќе биде енормно висока. Мохамед Салах доби идентична понуда, но од Пари Сен Жермен, бидејќи неговиот договор со Ливерпул истекува на лето.