Connect with us

Фудбал

Јувентус донесе засилување од Челзи, дефанзивецот пристигна на позајмица во Торино (ВИДЕО)

Португалскиот фудбалер Ренато Веига е новиот член на Јувентус откако ги помина лекарските прегледи и им се приклучи на „бјанконерите“ од Челзи.

Веига доаѓа во Торино на позајмица до крајот на сезоната, без опција за откуп и ќе се обиде да ги „закрпи“ дупките во одбраната на Старата дама предизвикани од повредите на Глисон Бремер и Хуан Кабал. Јувентус ќе плати 5 милиони евра позајмица за 21-годишниот дефанзивец, кој игра како централен и лев бек, но Челзи ќе продолжи да ги покрива платите на играчот, што ќе помогне да се намалат трошоците на „бјанконерите“.

Португалскиот репрезентативец стана третото засилување за Јувентус во јануарскиот преоден рок по неодамнешните пристигнувања на Рандал Коло Муани од ПСЖ и Алберто Коста од Виторија Гимараеш. Веига оваа сезона одигра 18 натпревари за Челзи во сите натпреварувања, постигнувајќи два гола и една асистенција.