Каков меч, Милан од 2:0 негатива, до пресврт против Интер и пехарот во Суперкупот (ВИДЕО)

Консеисао не можеше да посака подобар старт на клупата на Милан. Победа од 2:1 против Јувентус во полуфиналето во Суперкупот, а потоа победа од 3:2 во финалето против Интер и пехар. Каков само меч одиграа градските ривали во Ријад.

Интер поведе преку Мартинез во самиот финиш од првиот дел. Во вториот, само неколку минути игра Тареми зголеми на 2:0. Потоа Интер застана Милан се разигра. На 2:1 намали Тео Хернандез од слободен удар. Следеше период на одлични шанси пред двата гола, а потоа и израмнување преку Пулисиќ. На 2:2 Интер имаше две добри шанси, немаше среќа, а потоа на спротивната страна шок, Леао со асистенција за Абрахам, во 92 минута за пресврт и пехар во Суперкупот.