Каков потег на Ал Келаифи, сите 600 вработени во ПСЖ ќе добијат влезници за финалето против Интер

Претседателот на Пари Сен Жермен, Насер Ал-Келаифи, ќе ги предводи сите 600 вработени во клубот за да го гледаат финалето на Лигата на шампионите против Интер во живо на 31 мај, кое ќе се игра на стадионот на Баерн Минхен.

-Горди сме што сме едно семејство, семејството Пари Сен Жермен, гордо претставувајќи го Париз и Франција на големата сцена. Затоа сите наши вработени ќе имаат можност да го бодрат нашиот тим во живо на стадионот во Минхен во финалето на Лигата на шампионите. Ви благодариме за целата ваша напорна работа, посветеност, професионализам и страст кон клубот, напиша Келаифи, меѓу другото, во писмо испратено до сите вработени на „светците“.

Пари Сен Жермен се пласираше во финалето на Лигата на шампионите по втор пат во историјата и ќе се обиде да го подигне пехарот за прв пат во Минхен, откако беше поразен од Баерн во Лисабон во 2020 година (0:1)