Консеисао по освојувањето на пехарот со Милан: Магија!

Тренерот на Милан, Серхио Консеисао е импресиониран од својот тим по победата над Интер (3:2) во финалето на италијанскиот Суперкуп.

– Многу сум среќен за тимот – не беше лесно, атмосферата не беше најдобра. Тоа е подвиг што го истакнаа и солзите на крајот од мечот. Имавме неколку дена да работиме на важни детали, а се соочивме со две многу силни екипи. Магијата ја создадоа играчите кои ги прифатија моите идеи, рече тренерот на прес-конференцијата по натпреварот.

Милан губеше со 0:2 во текот на натпреварот, но на крајот од натпреварот успеа да се врати и да ја одземе победата со гол во судиското надополнување.

Милан го освои италијанскиот Суперкуп по осми пат во својата историја и се изедначи со Интер. Последен пат црвено-црните го освоија турнирот во 2016 година.