Лазаров: Горд сум на моите ракометари

Селекторот на македонската ракометна репрезентација, Кирил Лазаров, ги искажаа  своите импресии по нерешените 29:29 со Австрија.

– Можеме да бидеме и задоволни и незадоволни од ремито со Австрија, затоа што постигнавме гол во самиот финиш, но промашивме пенал за водство на две минути пред крајот. Тоа е спортот, тоа е ракометот. Горд сум на момците, одиграа добар ракомет против силна Австрија која знае што сака во секој напад. Задоволен сум, во репрезентацијата владее добра атмосфера. Ќе се обидеме против Катар да одиграме на ниво и покрај проблемите со повредени и болни во нашиот состав.

Македонија против Катар игра во четврток со почеток во 15:30 часот.