Лазаров за денешниот дуел со Катар: Уште еднаш да бидеме на високо ниво!

Селекторот на македонската ракометна репрезентација, Кирил Лазаров, ги искажа своите очекувања за  натпреварот со Катар, втор во Главната фаза на Мундијалот 2025.

– Катар имаше одлични натпревари на Светското првенство. Борбена селекција со многу натурализирани играчи кои прават разлика на теренот. Не очекува уште еден неизвесен натпревар. Очекувам уште еднаш да бидеме на високо ниво. Ќе видиме дали тоа ќе биде доволно за позитивен резултат, изјави Лазаров.

Натпреварот Македонија – Катар се игра со почеток во 15:30 часот.

Македонија во пресрет на 2. коло во Група-2 има два бода, Катар е без бодови.