Македонски одбојкар ќе игра во Кувајт!

Македонскиот одбојкарски репрезентативец Александар Љафтов во новата сезона ќе го носи дресот на кувајтската екипа Бурган. Тој имаше и официјално претставување во новиот клуб, воедно екипа која ланската сезона ја заврши како вицешампион во својата држава.

Претходната сезона Љафтов беше член на грчки ПАОК, каде беше и под тренерската палка на македонскиот селектор Јошко Миленковски. Репрезентативецот е веќе во тренажен процес и се адаптира на новите соиграчи.

Репрезентативецот досега како интернационалец има настапувано во Бугарија, Србија, Турција, Италија, Хрватска, Кипар, како и Саудиска Арабија и ОАЕ, а негов матичен клуб е Струмица.