Мегваер повторно е оној „стариот“: Погледнете ја прешката при голот на Ренџерс (ВИДЕО)

Фудбалерите на Манчестер Јунајтед синоќа во претпоследното коло од Лигата на Европа го совладаа Ренџерс, а нивното славје можеше да го расипе Хари Мегваер, кој направи уште една неверојатна грешка во самиот финиш на натпреварот.

World class from Dessers 🇳🇬
pic.twitter.com/J5fVBIpcsH

— Declan 🏄🏻‍♂️ (@declan_19) January 23, 2025

Јунајтед поведе на „Олд Трафорд“ во 52. минута со автогол на гостинскиот голман Џек Батланд, кој несмасно реагираше по корнерот на Кристијан Ериксен, а во 88. минута Мегвајер ги потсети навивачите на „црвените ѓаволи“ зошто се плашат од неговите дефанзивни потези иако тој е навистина добар во последно време. Џејмс Таверние испрати долга топка од сопствената половина од теренот во шеснаесетникот на Јунајтед и се чинеше дека Мегваер рутински ќе ја оддалечи опасноста. Сепак, тој ја промаши топката, која потоа Сириел Десерс и рутински погоди за 1:1.

За среќа на Јунајтед, во 92. минута Бруно Фернандеш постигна гол за 2-1 на асистенција на Лисандро Мартинез, со што беше анулирана грешката на Мегваер, а „црвените ѓаволи“ дојдоа на непосредна дистанца за пласман во осминафиналето на Лига Европа. Следниот четврток, Јунајтед ќе отпатува во Романија за да се соочи со ФЦСБ и со победа дефинитивно ќе се пласираат во осминафиналето, но тие би можеле да се квалификуваат со само еден бод.