Момчето од 150.000.000 ја полуде Европа! Реал и Баерн го бркаат, а тој отишол на таен состанок со Гвардиола

Флоријан Вирц е еден од најбараните играчи во Европа во финишот на оваа сезона. Според нови информации, Пеп Гвардиола исто така ја сака младата ѕвезда на Баер во Премиер лигата. Менаџерот на Манчестер Сити наводно води тајни преговори со 22-годишниот германски плејмејкер, кој сепак би претпочитал трансфер во новиот германски шампион.

Голема борба е за еден од најперспективните таленти во Бундеслигата. Флоријан Вирц, победникот на Бундеслигата во сезоната 2023-2024 со Баер Леверкузен и еден од најдобрите играчи на Чаби Алонсо во Леверкузен, сега е преплавен со понуди, едната попримамлива од другата.

Откако се пишуваше дека шпанскиот тренер би можел да го земе со себе во нова авантура во Реал Мадрид, а германските медиуми објавија дека, всушност, германскиот репрезентативец со 29 настапи и шест гола веќе одлучил да потпише за Баерн, се појавува уште една, уште подобра опција за него!

„Во вторник, Флоријан Вирц полета од аеродромот Мастрихт-Ахен, во 18:47 часот, заедно со неговиот татко Ханс и мајка Карин Грос, со приватен авион MHV 55G, на тајна еднодневна мисија за да се сретнат со Пеп Гвардиола“.

По слетувањето во Блекпул, тие патуваа 70 минути со автомобил до Манчестер. Германските новинари се прашуваат и дали Сити е навистина решен да го доведе Вирц ова лето или само подготвува трансфер за 2026 година.

Контекстот е дека Гвардиола бара наследник за Кевин де Брујн, кој го напушта „Етихад“. А „граѓаните“ наводно испратиле конкретна понуда, која би можела да биде значително поблиску до високите барања на Баер, од 150.000.000 евра. „Аптекарите“ би претпочитале тој да оди во странство, а не во ривалот од Минхен, кој е подготвен да понуди околу 100.000.000 евра. Истиот извор дознава дека англиската експедиција била краткотрајна.