На сите им е веќе јасно: Се знае за кого ќе потпише Антонио Рудигер на крајот од сезоната
Германскиот дефанзивец Антонио Рудигер одлучи да го напушти Челзи на крајот од оваа сезона.
Рудигер веќе неколку сезони е стандарден играч на „сините“ и клубот сакаше да му го продолжи договорот кој истекува на крајот на оваа сезона, но Германецот на крајот „скрши“ и реши да го напушти „Стемфорд Бриџ“.
Дефанзивецот веќе ги известил Томас Тухел и челниците на Челзи дека нема да го продолжи договорот и дека на крајот од оваа сезона без обештетување ќе го напушти „Стемфорд Бриџ“.
Пред неколку дена се појави информација дека Рудигер добил понуда да потпише за Реал Мадрид, а се чини дека веќе се е јасно.
Фабрицио Романо утрово потврди дека Реал Мадрид договорил се со Рудигер, и дека сега е речиси сигурно дека овој дефанзивец кариерата ќе ја продолжи во дресот на кралскиот клуб.
Real Madrid have reached verbal agreement with Antonio Rüdiger. Contract not signed yet – but Real Madrid are now closing on Rüdiger deal on a free: here we go soon! ⚪️🤝 #RealMadrid
It’s gonna be a long-term deal. Final details to be discussed soon, before signing the contract. pic.twitter.com/Jn0uvP0UQa
— Fabrizio Romano (@FabrizioRomano) April 25, 2022
Договорот се уште не е потпишан, но Рудигер и Реал ги договориле речиси сите услови на истиот. Станува збор за долгогодишна соработка, а наскоро ќе се договорат сите други ситни детали, по што Рудигер ќе може да потпише соработка со Реал.
За Реал ова сигурно ќе биде големо засилување во одбраната и очигледно е дека не им беше проблем да му ја дадат на Рудигер огромната плата што ја бараше од Челзи, но на крајот не се согласија на тоа во Лондон.
Тухел вчера пред натпреварот против Вест Хем потврди дека Рудигер веќе му кажал дека го напушта клубот.
“Ситуацијата е таква што тој сака да го напушти клубот. Тоа ми го кажа во приватен разговор. Клубот и јас дадовме се од себе да го задржиме, но повеќе не можеме да се бориме за се што се случува”, изјави Тухел.
