Навивач го победи Лилард во шутирање тројки и освои 100.000 долари (ВИДЕО)

Ноќеска во Сан Франциско заврши НБА Ол-стар викендот, а најголемото воодушевување кај навивачите во Центарот Чејс предизвика 18-годишниот студент Јарен Барахас, кој во конкуренција против Демијан Лилард освои 100.000 долари.

Best part of the #NBAAllStar Game?

Mr. Beast challenged a fan named Jaren to hit one logo shot — before Damian Lillard hit 3 of them — he did and won 100 K… 🏀💰 pic.twitter.com/Sfne9Wlwrc

— Jennifer X. Williams (@JenXperience) February 17, 2025

Популарниот YouTuber MrBeast и Лилард организираа интересен натпревар на кој еден фан, по случаен избор од публиката, имаше шанса да освои 100.000 долари. Правилата беа јасни. Двајцата натпреварувачи шутираа од центарот, на Лилард му беа потребни три за победа, а на навивачот само еден шут пред истекот на времето.

Лилард погоди двапати, а како што истекуваше времето, Јарен погоди тројка, на задоволство на публиката во салата. “Тоа беше неверојатен момент. Не можев да верувам дека го победив еден од најдобрите играчи во лигата”, изјави Јарен, кој по победата беше опсипан со 100.000 долари.