Нејмар застана во одбрана на Кристијано Роналдо

Кристијано Роналдо пред десетина дена привлече големо внимание со изјавата дека фудбалот во Саудиска Арабија е подобар од францускиот, а сега во тоа мислење му се придружи и Нејмар.

Двете најголеми ѕвезди на саудиската про лига го делат истото мислење, а тоа е дека првенството таму е подобро од француската Лига 1, која традиционално се нарекува една од „петте лиги“. Поради таа изјава Роналдо буквално беше „распнат“ од прославените Французи, а беше мета на критики и од шпанската Ла Лига која се пошегува на негова сметка. Така Адил Рами му порачал на Роналдо дека „зборува сра*е“, додека Емануел Петит му рекол дека „понекогаш е подобро да молчиш отколку да кажеш нешто глупаво“. Сепак, има и такви кои мислат исто како Роналдо. Така, неговиот колега од саудискиот шампионат Нејмар го поддржа овој став.

-Се согласувам со Роналдо. Мислам дека денес Саудиската Про лига е подобра од Лига 1. Нивото на саудискиот фудбал расте, играчите се подобри, но и Лига 1 има своја сила. Тоа е натпреварување на високо ниво и јас го знам тоа многу добро“, рече Нејмар накратко за лигата во која настапува моментално во интервју за Си-Ен-Ен.