Ниту „Терминаторот“ со два гола не помогна, погледнете како Реал Мадрид со пресврт стигна до победа против Сити (ВИДЕО)

Вистински фудбалски спектакл беше виден синоќа на „Етихад“ во бараж натпреварот за осминафиналето на Лигата на шампионите меѓу Манчестер Сити и Реал Мадрид. На крајот беа постигнати пет гола, а со оглед дека гредите се „тресеа“ на двете страни, можеше да има и повеќе. Сити поведе со голот на Халанд во 19. минута, а во 60. минута Мбапе со голема доза на среќа го израмни резултатот. Кога Халанд реализираше пенал во 80. минута и му донесе водство на Сити од 2-1, никој освен играчите на Реал не веруваше во пресвртот, но Кралевите успеаја да победат.

Во 86. минута Дијаз брилијантно се надоврза на акцијата на Реал и по одбраната на Едерсон, беше најснаодлив и израмни на 2:2, а во втората минута од судиското надополнување на вториот дел Реал оствари голема победа. Винисиус истрча сам до Едерсон и се обиде да го лобува, а Белингам ја следеше акцијата и ја испрати топката во празна мрежа за голема победа на Реал. Реваншот ќе се одигра следната среда на стадионот „Сантијаго Бернабеу“.

ЛШ, плеј оф осминафинале/вторник

МАНЧЕСТЕР СИТИ – РЕАЛ МАДРИД 2:3

ЈУВЕНТУС – ПСВ 2:1

БРЕСТ – ПСЖ 0:3

СПОРТИНГ ЛИСАБОН – БОРУСИЈА ДОРТМУНД 0:3

СРЕДА

КЛУБ БРИЖ – АТАЛАНТА (18:45Ч)

СЕЛТИК  – БАЕРН МИНХЕН (21:00Ч)

ФЕЕНОРД – МИЛАН

МОНАКО – БЕНФИКА