Connect with us

Фудбал

„Новиот Салах“ пристигна во Англија! Мармуш потпиша за Манчестер Сити, платени 75 милиони евра!

Манчестер Сити го донесе своето трето и најголемо засилување во овогодишниот јануарски преоден рок.

По дефанзивците Витор Реис и Абдукодир Хусанов, Сити го доведе и напаѓачот Омар Мармуш. Мармуш пристигна во Сити од Ајнтрахт за 75 милиони евра, а со Граѓаните потпиша договор до летото 2029 година.

25-годишниот Египќанец важи за наследник на Мохамед Салах, а ќе видиме дали ќе може да ја продолжи одличната форма од оваа сезона во Сити. Мармуш, кој е благословен со неверојатна брзина, оваа сезона за Ајнтрахт на 26 натпревари постигна 20 гола и додаде 14 асистенции.