Откриена е причината, еве зошто Мурињо го повлече за нос тренерот на Галатасарај (ВИДЕО)

По четвртфиналниот натпревар од Купот на Турција меѓу Фенербахче и Галатасарај (1:2), дојде до инцидент меѓу тренерот Жозе Мурињо и Окан Бурук, а сега е откриено што му претходело на нивниот конфликт.

Според пишувањето на турскиот весник „Милиет“, Мурињо по натпреварот им пришол на судиите и го изразил своето незадоволство од нивната арбитража, велејќи: „Лошо ја судевте играта“.

There's always drama with José Mourinho… 💥💥 pic.twitter.com/Vjnz9ETJEm

— Football Tweet ⚽ (@Football__Tweet) April 2, 2025

Окан Бурук, честитајќи им на судиите, одговори: „Не му верувајте. Добро ја менаџиравте играта. Донесовте правилни одлуки“.

Потоа Бурук му се обратил на Мурињо со зборовите: „Добра игра“, што наводно го испровоцирало португалскиот тренер. Се тврди дека тогаш Бурук упатил навредлив збор кон Мурињо на англиски јазик, по што Мурињо реагирал фаќајќи го Бурук за нос. Поради оваа постапка Мурињо доби црвен картон, а веројатно го чека тешка казна.