Пелистер со 10 играчи славеше против Шкупи на Чаир, Силекс се доближи на Шкендија

Екипата на Силекс најмногу профитира по 24. коло во Првата македонска фудбалска лига. Тимот од Кратово попладнево забележа победа на гостувањето во Струмица и ги искористи „киксовите“ на ривалите за највисоко пласман на првенствената табела. Пелистер со 10 играчи славеше на гостувањето кај Шкупи со 0:1.Пелистер во 69. минута остана со играч помалку откако Тарасенко заработи втор жолт картон. Но само пет минути подоцна Ристевски даде гол за водство на битолчани од 1-0 што беше и конечен резултат.

Резултати на денешните пет натпревари во ПМФЛ:

Брера – Силекс 0:2
Беса – Струга 3:2
Шкупи – Пелистер 0:1
Тиквеш – Гостивар 2:1
Воска – Работнички 1:1.

Вчера Вардар – Шкендија 1:1.

Табела: Шкендија 50 бода, Силекс 48, Работнички 45, Гостивар 44, Струга 38, Шкупи 31, Пелистер 29, Вардар 22, Тиквеш 21, АП Брера 21, Беса 21, Воска 19 бода.