Полскиот репрезентативец Марцинијак нов ракометар на Вардар 1961

Од следната натпреварувачка сезона нов член на македонскиот ракометен прволигаш Вардар 1961 ќе биде полскиот репрезентативец Марек Марцинијак.

Дваесетидеветгодишниот полски ракометар, кој игра на позицијата десен бек/десно крило потпиша двегодишен договор со двократниот европски првак, до 2027 година.

Марцинијак во моментов е член на полскиот прволигаш Азоти Пулави, а претходно настапуваше за Жуково, Вибжеже Гдањск и Заглебје Лублин. Ова ќе биде негово прво интернационално искуство.

Марцинијак настапи и на последното СП 2025, и на седум средби постигна 13 голови за Полска.

Новото засилување ќе биде третиот Полјак кој ќе го носи дресот на Вардар, по Патрик Валчак и Јан Чувара.