Познато е како Мбапе го известил Флорентино Перез дека нема да дојде во Реал Мадрид

Килијан Мбапе одлучи да остане во ПСЖ и да го продолжи договорот со овој клуб.

Француските медиуми денеска објавија дека Мбапе решил во последен момент да се предомисли и да ја одбие понудата на Реал Мадрид и ќе остане член на ПСЖ во следните три сезони.

Наводно, Мбапе ќе ја соопшти својата одлука вечерва по натпреварот против Мец, а официјалното потпишување на договорот ќе се одржи во наредните денови на Паркот на принцовите.

Мбапе со месеци беше поврзуван со трансфер во Реал Мадрид и се чинеше дека сето тоа заврши. Се очекуваше на крајот од сезоната да се пресели во кралскиот клуб како слободен играч, но тој се предомисли.

Имаше одредени проблеми при преговорите за договорот со кралевите, поради што Мбапе повторно му даде шанса на ПСЖ. Парижаните беа подготвени да го прифатат тоа и му понудија услови кои тој едноставно не можеше да ги одбие.

Многу француски медиуми објавија дека Мбапе веќе им најавил на челниците на ПСЖ дека ќе остане, што предизвика ерупција на ентузијазам во редовите на францускиот шампион.

Исто така, угледниот новинар Фабрицио Романо денеска објави дека Мбапе веќе му ја соопштил својата одлука на Реал Мадрид. Тој наведува дека Мбапе директно го контактирал Флорентино Перез и му рекол дека ќе потпише нов договор со ПСЖ.

Својата одлука Мбапе сакаше лично да му ја соопшти на Перез за да не дознае преку медиумите, а како претседателот на Реал реагирал на сето тоа се уште е тајна.

Перез вложи многу труд да го доведе Мбапе и неодамна дури им вети на навивачите дека се е готово и дека Французинот нема да се предомисли, но на крајот тоа едноставно се случи.

Kylian Mbappé called Real Madrid president Florentino Pérez today afternoon as he wanted to tell him directly his decision: sign a new deal with Paris Saint-Germain. It’s now done and 100% confirmed. ☎️🤝 #Mbappé

— Fabrizio Romano (@FabrizioRomano) May 21, 2022