Connect with us

Фудбал

Роналдо го купува некогашниот шпански великан, но има еден услов?!

Информацијата дека легендарниот Португалец Кристијано Роналдо (40) сериозно размислува за можноста да стане сопственик на Валенсија беше објавена кон крајот на февруари, а сега шпанскиот новинар Јулијан Редондо потврди дека навистина нешто конкретно се случува.

Имено, тој во својата колумна за Мундо Депортиво напиша дека Роналдо ќе стане нов сопственик на Валенсија, но под услов клубот да го задржи прволигашкиот статус. Валенсија моментално се наоѓа на 15. позиција во Примера со 31 освоен бод, што е само четири бода над зоната за испаѓање, а до крајот на првенството остануваат уште девет кола. Во следното коло за противник ќе го има Реал Мадрид, каде тешко може да смета на лесна задача.


Од друга страна, Роналдо ја игра третата сезона за Саудиска Ал-Наср, но веќе размислува за животот по неговата професионална кариера. Тој веќе започна голем број деловни потфати, вклучувајќи синџири на хотели, фитнес центри и разни брендови, но се чини дека неговата желба е да остане поврзан со фудбалот. Роналдо на тој начин покажа интерес да ја преземе Валенсија, клуб кој моментално го води Питер Лим, личност која долго време беше жестоко критикувана од навивачите. Некои извори тврдат дека Роналдо во овој потфат ќе има финансиска помош од саудискиот принц Мохамед бин Салман и неговото семејство.