Фудбал
Роналдо има отворена понуда од Молдавија, која стана хит- Го облекоа во нивен дрес! (ФОТО)
Во последните денови многу се пишуваше за можното заминување на Кристијано Роналдо од Саудиски Ал Наср. Роналдо има договор до летото оваа година, а наводно изразил желба да се врати во Европа. Многу клубови се свесни дека доведувањето на Роналдо би било одличен маркетиншки потег, па често се јавуваат оние кои веројатно знаат дека немаат шанса во никакви преговори со одличниот фудбалер од Португалија.
Тоа овојпат го направи молдавскиот тим Дачија Бујукани. Од Дачија го фотографираа Роналдо во дресот на нивниот клуб и рекоа дека му стои одлично и изјавија дека на Роналдо му ја нудат функцијата клупски амбасадор, како и тренер на младинци или шеф на клупската Академија.
Се разбира, тие не зборуваа за пари. Изјавија дека Роналдо вака може да ја започне тренерската кариера, но јасно е дека ова е само шега најава и дека од тоа нема ништо. Роналдо планира до летото да го заврши договорот со Ал Наср, но големо прашање е што ќе се случи потоа.
