Скокаат како мајмуни-Мурињо се соочува со шестмесечна суспензија за недолични изјави!

Тренерот на Фенербахче, Жозе Мурињо се соочува со можна суспензија до шест месеци откако Турската фудбалска федерација отвори дисциплинска постапка против него поради „неспортско однесување“ и „навредливи коментари“ за време и по дербито против Галатасарај.

По ремито 0-0, Мурињо изјави дека играчите на противничката екипа „скокаат како мајмуни“ на клупата, што Галатасарај го окарактеризира како расистички коментар. Клубот најави поднесување официјални жалби до УЕФА, ФИФА и до турското обвинителство. Фенербахче одговори со тврдење дека зборовите на Мурињо се извадени од контекст и немаат расистичка конотација. Прописите на УЕФА ги класифицираат ваквите забелешки како расизам, со минимална суспензија од 10 натпревари, а доколку биде прогласен за виновен, Мурињо може да биде казнет и суспендиран до шест месеци.