Светското првенство е за три години, а веќе знаеме 10 репрезентации кои дефинитивно нема да го играат!

Европското фудбалско првенство ќе се игра следното лето, се уште не ги знаеме сите учесници на тоа натпреварување, поточно знаеме само осум од 24, но имињата на репрезентациите кои сигурно нема да ги видиме на големото натпреварување кое доаѓа по ЕУРО. Се разбира, станува збор за Светското првенство во 2026 година.

Светското првенство ќе се игра во Соединетите Американски Држави, Канада и Мексико. Тоа ќе биде историски турнир, бидејќи за прв пат на СП ќе има 48 репрезентации.

На некои континенти веќе започнаа квалификациите.

Станува збор за Јужна Америка и Азија.

И додека во Јужна Америка, како и секогаш, лигашкиот систем се игра во квалификациите, каде 10 екипи ќе одиграат вкупно 18 кола, секој со секој дома и на гости, во Азија првата фаза, каде селекциите со најслаб пласман учествуваат, е игра за испаѓање, па некои репрезентации веќе ги загубија сите шанси да бидат на Светското првенство.

Првата репрезентација која остана без шанси за пласман беше Гуам, која беше поразена од Сингапур. По Гуам, истата судбина ја имаа уште девет екипи. Тоа се Монголија, Камбоџа, Шри Ланка, Источен Тимор, Макао, Малдиви, Бутан, Лаос и Брунеи.