Вака би изгледал тимот составен од најстарите фудбалери кои ќе настапат на Светското првенство

Светското првенство во фудбал започнува на 11 јуни со натпреварот помеѓу Мексико и Јужноафриканската Република, а пред стартот на турнирот статистичарите ни претставуваат различни интересни податоци.

Една од интересните идеи што се појави е да се направи тим составен од највозрасните фудбалери кои ќе настапат на турнирот.

Нападот би го сочинувале двајцата, според многумина најдобри фудбалери во историјата — Кристијано Роналдо (41),  Лионел Меси (38)  и Един Џеко (40)

Во тимот е уште еден освојувач на „Златната топка“ — 40-годишниот Лука Модриќ, на кого во средниот ред друштво му прават 36-годишниот Сенегалец Идриса Гаје и една година постариот белгиски репрезентативец Аксел Вицел.

Последната одбранбена линија ја сочинуваат Јапонецот Јуто Нагатомо (39), Аргентинецот Николас Отаменди (38), Новозеланѓанецот Мајкл Боксал (37) и Американецот Тим Рим (38).

Иако на турнирот ќе настапат и голмански легенди од Германија и Мексико, 40-годишниот Мануел Нојер и Гиљермо Очоа, тие сепак се помлади од шкотскиот ветеран Крег Гордон, кој со 43 години и 162 дена е највозрасниот учесник на турнирот и затоа му припаѓа местото меѓу стативите.