Винисиус стана газда на фудбалски клуб!

Бразилскиот фудбалер Винисиус Јуниор, како и неговиот соиграч од Реал Мадрид, Килијан Мбапе, стана сопственик на фудбалски клуб. Имено, Винисиус стана косопственик на португалскиот второлигаш Алверка откако поранешниот сопственик Рикардо Вицинтин го продаде својот удел.

🚨 Vinícius Júnior conclui a compra do FC Alverca e passa a ser dono de 70% a 80% da SAD, avança o jornalista Bruno Andrade no @UOL. pic.twitter.com/rXTBpWD9EZ

— Diário de Transferências (@DTransferencias) February 17, 2025

„ФК Алверка – Футебол објавува дека Рикардо Вицинтин го продаде својот удел во јавното ограничено друштво на група шпански и бразилски инвеститори“, се вели во соопштението на клубот. Новите сопственици, според португалскиот весник Рекорд, ќе бидат претставени во следните неколку недели.

Тие исто така забележуваат дека станува збор за конзорциум од шпански и бразилски инвеститори, меѓу кои и Винисиус Јуниор. Алверка моментално е второпласирана екипа во португалската Втора лига и има добри шанси да стигне до тамошната клупска елита. Да потсетиме, минатото лето Мбапе инвестираше 20 милиони евра во мнозинскиот пакет акции во Каен, кој се натпреварува во француската Втора лига.